Festas populares, feiras e romarías
DENOMINACIÓN | LUGAR | DATAS | DESCRICIÓN |
O Forrollo | Villar de Vacas | Luns de Pascua | Misa e verbena |
San Antonio | A Lagoa | 17 de xaneiro | Misa e verbena |
San Antonio | Muntián | 17 de xaneiro | Misa e procesión |
A Virxe das Marabillas | As Marabillas | Luns de Pentecostés | Misa solemne, procesión e verbena |
San Xosé | Nogueiró | 19 Marzo | Misa e festa popular |
San Benito | Santabaia de Anfeoz | 21 Marzo | Misa e festa ó aire libre |
San Benito | Cartelle | 21 Marzo | Misa solemne, procesión e verbena |
Romaría Dos Calvarios | Santabia- Os Calvarios | Último domingo Maio | Misa e procesión |
San Xoán | Seixadas | 24 xuño | Misa e procesión |
San Pedro | Gueral, San Pedro, Sabucedo | 29 xuño | Misa e procesión |
Santiago | Freixoso | 25 de xullo | Misa e procesión |
San Lorenzo | Baldariz | 10 Agosto | Misa e festa popular |
Nosa Sra. Do Mundil | Outomuro | 22 Agosto | Misa solemne, procesión e verbena |
San Bartolomeo | O Santo-Villar de Vacas | 24 Agosto | Misa, comida o lado do río |
San Roque e San Vitorio | A Seara | 27 Agosto | Misa solemne e festa ó aire libre |
San Ramón | Soutelo | 31 Agosto | Misa e verbena popular |
Virxe dos Aflixidos | Sande-Parbón | 8 Setembro | Misa, procesión e verbena |
San Miguel | Espiñoso | 29 Setembro | Misa e festa popular |
Virxe do Pilar | Sabucedo de Montes | 12 Outubro | Misa, procesión e verbena |
Santa Lucía | Teixugueiras | 13 Decembro | Misa e festa ó aire libre |
Santo Tomás | Santo Tomé | 21 Decembro | Misa solemne, procesión e verbena |
Pola súa antigüidade, tradición, ou repercusión destacamos as seguintes:
Romaría das Marabillas
Romaría que celebra o seu día grande o luns de Pentecostés na honra da Virxe María, con procesións, singulares adornos florais como “ramos” artificiais con bolas, cintas, comida campestre, actuacións musicais, etc.
O día propio é o luns de Pentecostés.
Romaría do Santo
Romaría que celebra no paraxe denominado “O Santo” preto de Vilar de Vacas, na honra do San Bartolomé. Este paraxe forma parte final dunha ruta que dende o o espacio natural do Parque Fluvial de A Pontenova, situado na marxe dereita do río Arnoia, no linde do concello con Ramirás, decorre entre unha abundante vexetación autóctona con exemplares centenarios de carballos, freixos, solveiras, loureiros, etc., así mesmo está salpicada de restos de antigos muíños e canizos. Ao final do camiño, pódese admirar os restos dun antigo asentamento castrexo, distinguíndose partes da muralla e das bases das casas, sobre o que actualmente se sitúa a Capela do San Barlomomé.
Día de celebración o 24 de agosto, trasladándose ao fin de semana máis próximo.
Festa do Cabalo
na localidade de Nogueiró no mes de maio ou xuño Actividades relacionadas co mundo do cabalo . Comida popular. http://www.omundil.com (dende o ano 1998)
FEIRA DE CARTELLE
Días 4 e 18 de cada mes.
Está presente na memoria histórica dos nosos paisanos, que dende sempre se erguían moi cedo para vir á Feira. Á primeira hora da mañá chegaban a pe, algúns no coche de linea, con productos da terra segundo a época, con gando… A mañá era de actividade frenética, de compras e vendas onde o prezo final nunca era o prezo inicial, onde se vendía para poder mercar, onde os paisanos loitaban cos tratantes profesionais… Ó medio día toda esa actividade remataba nun bo xantar para coller folgos e volver para a casa, cargados outra vez coas compras feitas.
Hoxe en día a actividade do mercado é moito menor pasando a ser a gastronomía a parte esencial da Feira. Dende a primeira hora as caldeiras do polbo fumegan e os comerciantes montan os seus postos. A Feira converteuse nun día de encontro e tranquila conversa, un día de culto profano ó rico polbo e os nosos pratos (callos, cocido, carne arreglada, bacallao…) que se poden degustar nas tabernas da localidade, acompañados dun bo viño da terra; e ó final, a especialidade típica: unha copiña de herbas ou de licor café.
No mercado tamén se poden adquirir os máis variados productos da zona: pitas, fabas, allos, mel, artesanía, etc.